ԱԺ ընտրությունները կարող են լինել ապաքաղաքական. Զեյնալյան
Առաջիկա խորհրդարանական արտահերթ ընտրությունները կարող են ապաքաղաքական լինել, կարող են ապաքաղաքական չլինել: Այս մասին, այսօր՝ նոյեմբերի 3-ին, ԱԺ-ում լրագրողների հետ զրույցում նշեց Արդարադատության նախարարի պաշտոնակատար Արտակ Զեյնալյանը: «Դա պայմանավորված է նրանով, թե քաղաքական ուժերն ինչպես կմասնակցեն, պետությունն ինչպես կկատարի իր պարտականությունները՝ ապահովելու եւ երաշխավորելու համար ընտրական իրավունքը: Դեռեւս քարոզարշավը չի մեկնարկել եւ վաղ է արդյունքներն ուրվագծելու համար: Կարող է լինել եւ մեկը, եւ մյուսը: Բայց մենք ցանկանում ենք, որ այն լինի քաղաքական ընտրություն: Բնականաբար, կառավարությունն ու ոստիկանությունն ամեն ինչ անելու են, որ անօրինականություններ չլինեն, եւ լրատվամիջոցներն էլ ապահովելու են, որ ընտրությունները լինեն հնարավորինս թափանցիկ եւ քաղաքական կամքը ձեւավորվի ազատորեն»,-ասաց Զեյնալյանը: Հարցին, թե խնդիր չի՞ տեսնում, որ ռեյտինգային ընտրակարգը կարող է աղճատել ընտրությունները, նշեց. «Ոչ խնդիր չեմ տեսնում, մենք բոլորս պետք է ջանքերը միավորենք, որ լինի քաղաքական ընտրություն եւ ապագա խորհրդարանը լինի լեգիտիմ»:
Հետևեք մեզ Viber-ում
