Ձերբակալվել է Ալեք Բոլդուինը
Նյու Յորքում ձերբակալվել է հոլիվուդյան դերասան Ալեք Բոլդուինը, հաղորդում է CNN-ը՝ հղում անելով Նյու Յորքի ոստիկանությանը: Բոլդուինը ձերբակալվել է հարձակման համար՝ կապված ավտոկայանատեղիում ծագած վիճաբանության հետ:Նշվում է, որ միջադեպը տեղի է ունեցել ուրբաթ՝ նոյեմբերի 2-ին, Մանհեթենի արևմտյան հատվածում գտնվող ավտոկայանատեղիներից մեկում: Նախնական տվյալներով՝ վիճաբանության պատճառ է դարձել կայանատեղը: «Դեպքը տեղի է ունեցել Գրինվիչ Վիլիջ ավտոկայանատեղիում տեղական ժամանակով ժամը 13:30-ի սահմաններում: Դերասանն իր ընտանիքով եկել է այդ թաղամաս: Վիճաբանություն է սկսվել մի տղամարդու հետ, որին դերասանը ծեծել է՝ մեքենայի կայանման տեղի համար»,- ասվում է Նյու Յորքի ոստիկանության հայտարարության մեջ: Ավելի ուշ լրագրողների հետ հանդիպման ժամանակ այս միջադեպին է անդրադարձել անգամ ԱՄՆ նախագահ Դոնալդ Թրամփը. «Ես նրան հաջողություն են մաղթում»: Նշենք, որ Բոլդուինը հայտնի է իր դեմոկրատական հայացքներով, նա մի քանի անգամ կրկնօրինակել է Թրամփին հումորային հաղորդումների ժամանակ։
Հետևեք մեզ Viber-ում
