«Ոչ մեկին չենք նեղելու». Դավիթ Անանյան
ԱԺ-ում 2019 թ. պետական բյուջեի նախագծի քննարկումների ընթացքում ՊԵԿ նախագահ Դավիթ Անանյանը նշեց, որ այսօր գործարարների հետ երկխոսություն սկսելու հստակ նախադրյալներ կան: «Կարող է լարվածություն լինի այն գործածարների հետ, որոնք այս կամ այն քրեական գործերի շրջանակում հրավիրվել են որոշակի բացատրություններ տալու կամ իրենց վարքագիծը քրեաիրավական գնահատականի առումով անբերանպաստ է եղել իրենց տեսանկյունից»,- ասաց նա: Դավիթ Անանյանի համոզմամբ` ավելի լավ է ուշադրություն դարձվի միջինից բարձր բիզնեսի վրա, որովհետև մեկ կազմակերպության նկատմամբ հսկողական գործառույթներ իրականացնելը կարող է համադրելի լինել 100 փոքրերի նկատմամբ: «Այսինքն՝ ավելի լավ է 1 տեղ գնաս, քան 100 տեղ… ավելի լավ է փոքրերին օրենքի տեսանկյունով դարձնենք անխոցելի, իսկ միջնից բարձրերի մոտ վարչարարություն իրականացնենք՝ կոկրետ վարքագիծն ուսումնասիրելուց հետո և կասկածելի վարքագիծ ունեցողների նկատմամբ»,- փաստեց ՊԵԿ նախագահը՝ շեշտելով, որ Հարկային մարմինները ոչ մեկին չեն նեղելու:
Հետևեք մեզ Viber-ում
