Այսուհետ ինչպե՞ս են բռնելու ստվերը
Հեղափոխությունից հետո ստվերը որքանո՞վ է կրճատվել, ի՞նչ են արել այդ առումով.ԱԺ հանձնաժողովների համատեղ նիստում 2019-ի պետբյուջեի նախագծի քննարկման ժամանակ ՊԵԿ նախագահ Դավիթ Անանյանից հետաքրքրվեցին պատգամավորները: «Բավականին խորքային աշխատանք ենք կատարել: Այն հաշվարկելի չէ, որովհետեւ մենք ստվերի դեմ պայքար իրականացնում ենք միկրո մակարդակում: Մենք մեր վերլուծական աշխատանքներն անում ենք կոնկրետ հարկ վճարողի վարքագծին գնահատականներ տալով: Դա լա՞վ է՝ ոչ, որովհետեւ չունենք այն համակարգը, որն ուզում ենք այսօր մեր մոտ կայացնենք»: «Նոր համակարգով ստվերի գնահատականը տալու ենք՝ ըստ գործունեության ոլորտների ու այդ գնահատականը տալուց հետո այն ոլորտը, որը հարկունակ է, պետք է միջին վիճակագրական հարկ վճարողի պրոֆիլ ձեւավորեն:Ունենալու ենք ինտերակտիվ ավտոմատ մի համակարգ, ելակետային տվյալները անընդհատ փոփոխվելու են: Ստվերի գնահատականը միջազգային չափանիշներին համահունչ պետք է լինի:Այդ համակարգի ստեղծման արդյունքում ամեն օր միջին ստվերի գնահատականը կունենան՝ կոնկրետ ոլորտում: Այդ գնահատականից հետո կիջնենք այդ ոլորտները, կտեսնենք այդ ոլորտում ովքեր են հիմնական խաղացողները»,հավելեց նա:
Հետևեք մեզ Viber-ում
