Ճնշումներ չեն եղել. Քոչարյանին կալանք տված դատավոր
Խորհրդարանում այսօր «քննում» էին ԱԱԾ տնօրեն Արթուր Վանեցյանի եւ ՀՔԾ ղեկավար Սասուն Խաչատրյանի գաղտնալսման գործով դատավոր Վաչե Մարգարյանին: Հանձնաժողովի նիստում դատավորը մոտ կես ժամ ներկա գտնվեց, այնուհետ հեռացավ`հրաժարվելով պատասխանել լրագրողների հարցերին, անգամ այն բանից հետո, երբ լրագրողներն ասացին, որ նիստից մանրամասներ չեն ակնկալում, միայն ցանկանում են իմանալ`զանգահարե՞լ է, թե`ոչ եւ համանման հարցեր: Ռոբերտ Քոչարյանին կալանք տալու հիմքեր կայի՞ն, թե՞ ոչ, դատավորը ոչինչ չասաց:Միայն հակիրճ անդրադարձավ հարցին, թե կալանք տալուց հետո իր ընտանիքին կամ իրեն վտանգ սպառնացե՞լ է. «Ո՛չ»,- ասաց նա: Հրավիրվե՞լ է նախաքննական մարմին կամ ի՞նչ կարգավիճակ ունի հարցին: «Նախաքննություն է ընթանում, ինչպես նաև ԱԺ-ում Քննիչ հանձնաժողով է ստեղծվել, քննությունն ընթանում է»,-ասաց նա: Հարցին, թե ճնշումներ եղե՞լ են Քոչարյանին կալանք տալուց, պատասխանեց. «Իհարկե չեն եղել»:
Հետևեք մեզ Viber-ում
