Չի սազում արվեստագետի անուն օդանավակայանի վրա

Կարծում եմ ավելորդ է ասել, որ Շառլ Ազնավուրի մե՜ծ երկրպագուն եմ: Բայց, այդուհանդերձ, գտնում եմ, որ օդանավակայանի <<Զվարթնոց>> անվանմանը չի կարելի դիպչել՝ ուր մնաց փոխել: Այդ անունը այնքան մեծ և խորհրդանշական իմաստ ունի մեզ համար: Մեր պաշտելի Ազնավուրը ինձ թվում է ինքն էլ չէր ցանկանա, որ Զվարթնոց անունը փոխվեր: Եվ երկրորդ պատճառը, որ դեմ եմ դրան, այն է, որ պարզապես, չի սազում արվեստագետի անուն օդանավակայանի վրա: Ինչ կապ ունի: Երրորդ պատճառը, որ դեմ եմ, դա այն է, որ Շառլ Ազնավուրը շատ երջանիկ կլիներ, եթե տեսներ, որ վերջապես մենք լուրջ գործերով ենք զբաղվում և ոչ թե՝ անիմաստ բաներով: Շառլի հիշատակը վառ պահելը առաջին հերթին նրա երաժշտությունը լսելն է և նաև բարձրաճաշակ սերունդ դաստիարակելը, որ նրանք էլ լսեն: Լսեն և վայելել: Վայելեն և մեծարեն: Կարինե Հակոբյանի գրառումը