Փաշինյանը հանձնարարել է ուսումնասիրել Ավինյանին տրամադրված դրամաշնորհների վերաբերյալ լուրերը
ԱԺ-ում լրագրողների հետ զրույցում վարչապետի պաշտոնակատար Նիկոլ Փաշինյանը անդրադարձավ նաև «Հետքի»-ի Գյուղատնտեսության զարգացման հիմնադրամի կողմից փոխվարչապետ Տիգրան Ավինյանի ընկերությանը դրամաշնորհ տրամադրելու հրապարակմանը, և նշեց, որ հանձնարարել է ուսումնասիրել այն, ուսումնասիրության արդյունքներով եզրակացությունը կանի: «Բայց ես ուզում եմ հստակ լինի, որ ՀՀ-ում չի կարող լինել որևէ այնպիսի դրսևորում, որը կապված է կոռուպցիայի հետ: Փաստերի համադրումը վերջնական կանենք, կներկայացնեմ իմ տեսակետը»,- շեշտեց նա: Հիշեցնենք, որ «Հետք»-ը հոկտեմբերի 29-ին գրել էր, որ փոխվարչապետ Տիգրան Ավինյանի հիմնադրած «Իրիգեյթս» ՍՊԸ-ն չրի արտադրությունը զարգացնելու համար այս տարի մոտ 35 հազար ԱՄՆ դոլար դրամաշնորհ է ստացել Գյուղատնտեսության զարգացման հիմնադրամից: Հրապարակումից հետո Տիգրան Ավինյանի մամուլի քարտուղարը պարզաբանել էր, որ դրամաշնորհների մրցույթի գործընթացը համապատասխանում է Համաշխարհային բանկի կողմից սահմանված ընթացակարգերին:
Հետևեք մեզ Viber-ում
