Ծանր զրույց Սերժ Սարգսյանի եւ թիմակիցների միջեւ

Սերժ Սարգսյանը հանդիպումներ է ունենում կուսակից ռեյտինգայինով ընտրված պատգամավորների հետ ու համոզում, որպեսզի նրանք առաջադրվեն նաեւ արտահերթ ընտրություններին: Այդ պատգամավորները առանձնապես ցանկություն չունեն առաջադրվելու, ծախսեր անելու, բայց ՀՀԿ ղեկավարը նրանց թասիբի է գցում, ասելով, որ չառաջադրվելու պարագայում իրենք կհաստատեն բոլոր այն խոսակցությունները, որ փողով են պատգամավոր դարձել, ոչ թե ժողովուրդն է ընտրել: Բացի այդ ասել է, որ ընկերները նեղ օրվա համար են ու չպետք է դավաճանել թիմին: Այդ պատգամավորները ասել են, որ առաջադրումը ֆինանսական ծախսեր է նախատեսում, շտաբերի ծախսեր, ընտրական հազար ու մի ծախս կա: Սերժ Սարգսյանը սրա պատասխանն էլ է տվել ու ասել է, որ ամեն ինչ լավ կլինի, միշտ այդպես չեն մնալու: