Ժողովրդավարության և սահմանադրականության դեֆիցիտն առ այսօր մնում է արդիական. Հ. Թովմասյան
Սահմանադրական դատարանում տեղի ունեցած «Նոր հազարամյակի սահմանադրականությունը» թեմայով միջազգային խորհրդաժողովի ժամանակ Սահմանադրական դատարանի նախագահ Հրայր Թովմասյանը նշել է, որ Սահմանադրությունից դեպի սահմանադրականություն ճանապարհը հարթ չէ, և ժողովրդավարության և սահմանադրականության դեֆիցիտն առ այսօր մնում է արդիական: «Իրավական և փաստացի սահմանադրությունների միջև, ցավոք, որոշ դեպքերում առկա է անջրպետ՝ դրանից բխող հնարավոր բոլոր հետևանքներով: Սահմանադրականությունն իրավակիրառումներից պահանջում է վճռականություն, պատշաճ գիտելիքներ և կարողություններ՝ կենսագործելու սահմանադրությունը և դրա հիմնարար առանցքը՝ մարդու և քաղաքացու հիմնարար իրավունքներն ու ազատությունները»,- ասել է նաձ: Հրայր Թովմասյանի խոսքով՝ սահմանադրության կենսգործման համար, նախևառաջ, անհրաժեշտ է պատշաճ իրավական, քաղաքական մշակույթի առկայություն, սահմանադրական հիմնարար արժեքների շուրջ լայն հասարակական համաձայնություն, իրավունքի հետևողական կիրառման մշակույթ, ինչպես նաև պետության, հանրային իշխանության և ժողովրդի հանդեպ իրավունքի գերակայության ապահովման գործուն ընթացակարգեր և կենսունակ պետական ինտիտուտներ ու քաղաքացիական հասարակության հաստատություններ:
Հետևեք մեզ Viber-ում
