Մեզ արդեն ակնհայտորեն ակնարկում են, որ կա պատերազմ սկսելու ռեալ հնարավորություն. Խոսրով Հարությունյան

Մեզ արդեն ակնհայտորեն ակնարկում են, որ կա պատերազմ սկսելու ռեալ հնարավորություն, հարկավոր է գցել-բռնել, թե սա ինչի՞ կարող է հանգեցնել։ Այս մասին այսօր ԱԺ հատուկ նիստի ժամանակ իր ելույթում ասաց ԱԺ ՀՀԿ խմբակցության պատգամավոր Խոսրով Հարությունյանը՝ անդրադառնալով Բոլթոնի՝ Հայաստան կատարած այցի հնարավոր հետեւանքներին։ «Հեռացող դեսպանն առաջին անգամ խոսեց տարածքներ՝ խաղաղության դիմաց բանաձեւից։ Սա մեզ համար նորույթ էր, եւ այդ ֆոնին գալիս է ԱՄՆ երկրորդ պաշտոնյան եւ խոսում է լեգիտիմ ընտրությունների արդյունքում պատուհան բացելու մասին։ Մեզ արդեն ակնհայտորեն ակնարկում են, որ կա պատերազմ սկսելու ռեալ հնարավորություն, հարկավոր է գցել-բռնել, թե սա ինչի կարող է հանգեցնել: Ինչպես նաև ինձ համար մտահոգիչ է, որ Բոլթոնը Հայաստան է այցելել Ադրբեջանից հետո։ «Համաձայնեք, որ մտահոգվելու հիմքեր կան, առավել եւս, երբ սա ներկայացվում է Իրանի շուրջ օղակը սեղմելու ԱՄՆ–ի ընգծված քաղաքականության ֆոնին»,–ասաց նա։