ՀՔԾ պետը՝ ձերբակալվող պատգամավորի մասին

«Այդ գործը ՀՔԾ-ի վարույթում չի քննվում, այդ իսկ պատճառով չեմ ուզում մեկնաբանել:  Միայն կարող եմ նշել, որ ԱԱԾ պետն արդեն ասել է, որ այդ խոսակցությունն իրականում մոնտաժված է, այնտեղ կան բառակապակցություններ, որոնք այլ ձևով են ասվել: Հավանաբար, ԱԱԾ-ն այլ տեղեկատվություն կտա այդ գործի հետ կապված: Ամեն դեպքում, այդպիսի խոսակցությունը նման ծավալով, որ տեղադրվել է համացանցում, չի եղել, ինչն արդեն ապացուցվել է»,-  կառավարության նիստից հետո, լրագրողների հետ զրույցում հայտարարեց  ՀՔԾ պետ Սասուն Խաչատրյանը՝պատասխանելով գաղտնալսումների վերաբերյալ հարցին Անդրադառնալով գործարար Սիլվա Համբարձումյանի գործին, ասաց, որ այն այս պահին քննվում է: ՀՔԾ պետը չցանկացավ մեկնաբանել նաև վերջերս վարչապետի պաշտոնակտար Նիկոլ Փաշինյանի հայտարարությունը՝ կապված «կոռուպցիոներ պատգամավորի» հետ. «Չեմ մեկնաբանելու՝ երբ, ում, ինչ մեղադրանք է առաջադրվելու»,- ասաց Խաչատրյանը: