Ո՞նց կարելի է էս աստիճան ծաղրուծանակի ենթարկել անմեղ ոստիկանների թափած արյունը
Իրավունքը գրում է. «Սասնա ծռեր» խմբի անդամ Պավել Մանուկյանը, անդրադառնալով առաջիկայում սպասվողհամաներմանը, լրագրողների հետ զրույցում մասնավորապես նշել էր. «Ես ի՞նչ եմ արել, որ համաներման արժանանամ»: Այդ հայտարարությունը անչափ վրդովեցրել է ՊՊԾ գնդի գրավման օրը ծառայություն իրականացնելիս վիրավորված ու շաբաթներ անց հիվանդանոցում մահացած ոստիկանության ավագենթասպա Գագիկ Մկրտչյանի ծնողներին: Զոհված ոստիկանի մայրը` Անահիտ Պարոնիկյանը անդրադառնալով Մանուկյանի խոսքին, «Իրավունքի հետ զրույցում ասաց.
Ես դեմ եմ այս համաներմանը, որ առանձին մասով հենց էդ մարդասպաններին են տեղ տվել: Իմ մինուճար տղայիս կյանքիթելը կտրեցին, յոթ տարեկան թոռանս, «պապա-պապա» կանչելով, վիզը ծուռ թողեցին, ու էսօր իրենց համաներմա՞ն են ենթարկում:
Ես դժգոհ ու վրդովված եմ այդ որոշմամբ, ո՞նց կարելի է այդ ավազակներիխմբի նկատմամբ համաներում կիրառել, էն էլ՝ պաչոտնի առանձնացնել: Էդ խմբի նկատմամբ էդքան բարի գտնվողն ինչո՞ւ մի անգամ հետադարձ հայացք չնետեց մեր կողմ, սիրտ ու հոգի չունեի՞ն, որ էդ ավազակներին, խուլիգաններին էդքան տեղ էին տալիս:
Ինչ լսել եմ, որ էդ ավազակները համաներումով լրիվ ազատվելու են, ճնշումս բարձր պառկած եմ: Ո՞նց կարելի է էս ձեւով մրմռացնել մարդկանց, ինչո՞ւ պիտի թոռս պապայի նկարը կախած տեսնի ու արցունքն աչքերին խեղդի, որ մաման ու տատիկը չնկատեն:
Հետևեք մեզ Viber-ում
