30 դատապարտյալ անժամկետ հացադուլ է հայտարարել
Արմավիրի քրեակատարողական հիմնարկի 30 դատապարտյալներ այսօր անժամկետ հացադուլ են հայտարարել: Դատապարտյալները հանդիպում են պահանջում ՀՀ Արդարադատության նախարարի պաշտոնակատար Արտակ Զեյնալյանի հետ: «Մենք պահանջում ենք վերանայել համաներման նախագիծը: Արտակ Զեյնալյանն ասում էր, որ աննախադեպ համաներում է լինելու, ի՞նչն է դրա աննախադեպ: Ո՞ւմ վրա է ազդում: Մենք ուզում ենք, որ այն տարածվի նաև 10 տարվա ընթացքում միջին ծանրության դեպքերի վրա էլ»,- «Ա1+»-ին հայտնել է նույն քրեակատարողական հիմնարկի դատապարտյալ, հացադուլ հայտարարած Գ. Ա-ն: 33-ամյա Ասատրյանը 8 տարով դատապարտվել է կողոպուտ կատարելու համար. «1 մլն 900 հազար դրամի գողություն եմ արել, ներում եմ խնդրել, ամբողջ գումարը հետ եմ վերադարձրել: Հետո 2009-ին համաներումով ազատ եմ արձակվել, նորից, իմ խելքից, խնդիրներ եմ ունեցել ու հայտնվել այստեղ: Ինձ հետ հացադուլ անող ընկերս 4 հազար դրամի գողություն է արել, այն էլ գողություն չի, ընկերոջից պարտքով գումար է վերցրել, ոչ մեկիս վրա այդ աննախադեպ համաներումը չի ազդում»: Մանրամասները՝ սկզբնաղբյուրում:
Հետևեք մեզ Viber-ում
