ՀՀԿ-ն կտապալի՞ ԱԺ-ի կողմից Համաներման մասին որոշման ընդունումը

«Ժամանակ»-ը գրում է, որ ՀՀԿ-ն մտադիր է տապալել հոկտեմբերի 31-ին ԱԺ-ի կողմից Համաներման մասին որոշման ընդունումը, եթե ներկայացված նախագծում որոշ փոփոխություններ չիրականացվեն: Մասնավորապես՝ ՀՀԿ-ականները պահանջելու են, որ համաներումը չտարածվի հանցափորձի համար դատապարտվածների վրա: Օրինակ՝ մարդը դատապարտվել է սպանության փորձի համար, նա ցանկացել է մարդ սպանել, սակայն ինչ-ինչ պատճառով չի կարողացել իրագործել իր նպատակը: ՀՀԿ-ականները համարում են, որ նման հանցագործների նկատմամբ ներողամտությունը չհիմնավորված է, որովհետև եթե նա ցանկացել է դիտավորությամբ մարդ սպանել, էական չէ՝ հասե՞լ է իր նպատակին, թե՞ ոչ»,-գրում է թերթը: Հոդվածն ամբողջությամբ կարող եք կարդալ «Ժամանակ»-ի՝ 30.10.18թ. համարում: