Գագիկ Հարությունյանը խոստովանում է

ԲԴԽ նախագահ Գագիկ Հարությունյանի կարծիքով այսօր դատավորներն ավելի անկախ են, քան նախկինում: «Եթե որևէ մեկը զանգում է կամ իրենք են զանգում, ապա ԲԴԽ-ին պետք է տեղեկացվի, որպեսզի օրենքով նախատեսված իր գործառույթը կարողանա իրականացնել և՛ նրանց նկատմամբ, ովքեր զանգել են, և՛ նրանց նկատմամբ, ում զանգել են»,- ասել է ԲԴԽ նախագահ Գագիկ Հարությունյանը: Խոսելով ՀՀ վարչապետի պաշտոնակատար Նիկոլ Փաշինյանի այն հայտարարությանից, թե որոշ քրեական գործի շրջանակներում դատավորները զանգահարում են իրեն, որպեսզի հասկանան, թե գործին ինչ ընթացք են տալու, Գագիկ Հարությունյանը  չի ժխտել, որ հնարավոր է՝ եղած լինեն նման դեպքեր, սակայն դա դատապարտելի ու հակաօրինական երևույթ է: