Հայտնի են Երևանի նոր փոխքաղաքապետերը

Երևանի քաղաքապետի կողմից հոկտեմբերի 29-ին հրավիրված արտահերթ նիստում ավագանին ընտրեց Երևանի փոխքաղաքապետերին: «Արմենպրես»-ի հաղորդմամբ` Երևանի նոր փոխքաղաքապետերն են Տիգրան Վիրաբյանը, Սերգեյ Հարությունյանն ու Հայկ Սարգսյանը: Երևանի ավագանին Հայկ Սարգսյանի օգտին կողմ քվեարկեց 51 կողմ,1 դեմ և 3 ձեռնպահ ձայների համամասնությամբ: Սերգեյ Հարությունյանի օգտին կողմ քվեարկեց ավագանու գրանցված 54 անդամներից 49-ը, դեմ՝ 1 ավագանու անդամ և ձեռնպահ 4 անդամ: Տիգրան Վիրաբյանը Երևանի փոխքաղաքապետ ընտրվեց 48 կողմ, 3 դեմ և 3 ձեռնպահ ձայների համամասնությամբ: Երևանի ավագանու արտահերթ նիստում քաղաքապետ Հայկ Մարությանը տեղեկացրեց, որ արդեն հանձնարարական է տվել ավագանու նիստում քվեարկությունը էլեկտրոնային դարձնելու վերաբերյալ: