Ով էր զանգողը

«Ելք» խմբակցության ղեկավար Լենա Նազարյանը, պատասխանելով լրագրողների հարցերին`ինչպե՞ս են պատրաստվում այս անգամ իրենց նախընտրած տարբերակով անցկացնել նոր ԸՕ-ի նախագիծը`կրկին ՀՀԿ-ական պատգամավորներին զանգելով եւ նրանց ողջությո՞ւնը հարցնելով, նշեց, որ իրեն հայտնի չէ, թե ով է զանգողը, կամ արդյոք զանգող կա, թե ոչ: «Համենայնդեպս ես չեմ եղել զանգողը»,- կարճ ասաց նա: Հիշեցնենք, նախորդ քվեարկությունից առաջ, ՀՀԿ-ական պատգամավորներից ոմանք փոխվարչապետ Արարատ Միրզոյանից էին զանգեր ստացել: Հետագայում, Արարատ Միրզոյանը չէր հերքել, որ զանգել է ՀՀԿ-ական պատգամավորներին, պարզաբանել էր`իր գործընկերներն են, զանգահարել նրանց ողջությունն է հարցրել: Սեդա Ղուկասյան