Փառք Աստծուն, որ Վարդան Ղուկասյանն իր ներկայությամբ «պատվել է» նիստը .Գևորգ Պետրոսյան

«Ծառուկյան» խմբակցության պատգամավոր Գեւորգ Պետրոսյանը, որը հիմնական զեկուցողն էր, մանրամասն չներկայացրեց ԸՕ նախագծի բովանդակությունը, քանի որ դեռ նախորդ շաբաթ նույն նախագիծը զեկուցել էր կառավարությունը: Գեւորգ Պետրոսյանը ներկայացրեց  իրականությունը, թե ինչ էր կատարվել այդ օրը, որ բացակայել էին իրենց խմբակցության պատգամավորները. «Մեր խմբակցության երեք պատգամավորները, ովքեր բացակայել են, Հրանտ Մադաթյանը ՀՀ-ում չի եղել: Վարդան Ղուկասյանի մասով ուզում եմ հայտնել հետեւյալը՝ այո, պարոն Ղուկասյանն ունեցել է որոշակի առանձին կարծիք օրենսգրքի փոփոխությունների բովանդակության վերաբերյալ :Խնդրում եմ, նկատի ունենաք, որ բացարձակապես չկա հակասություն, ինչպես շրջանառում են ԶԼՄ-ները, ԲՀԿ ղեկավար պարոն Ծառուկյանի ու Ղուկասյանի, կամ Ղուկասյանի ու մեր խմբակցության միջեւ: Այսօր պարոն Ղուկասյանը, փառք Աստծո, ներկա է, ինքն իր ներկայությամբ պատվում է մեր նիստը եւ իր քվեարկությամբ կարտահայտի իր դիրքորոշումը:  Նապոլեոն Ազիզյանն  այսօր էլ  վատառողջ է, բայց ներկայացել է նիստին: Նախորդ անգամ իր վատառողջության պատճառով բացակայել է: Որեւէ շեղում, որեւէ միտում, որեւէ ստվերային պայմանավորվածություն գոյություն չունի: Պարոն Ազիզյանը մեր թիմի հավատարիմ անդամն է եւ ինքն այսօր իր ներկայությամբ եւ իր գործողություններով կապացուցի դա»: