Ինչն էր «Լեսթեր»-ի ուղղաթիռի ողբերգական վթարի պատճառը
«Լեսթեր» - «Վեսթ Հեմ» խաղից հետո, մարզադաշտի հարակից տարածքում պայթել է «Լեսթեր»-ի սեփականատեր Վիչայի Սրիվադդհանապրաբհայի ուղղաթիռը: Ներկաների խոսքով՝ պայթյունի պատճառը եղել է ուղղաթիռի շարժիչի անսարքությունը: Զոհերի և վիրավորների վերաբերյալ տեղեկությունները ճշտվում են: Անգլիական «Լեսթեր Սիթին» պաշտոնական հայտարարությամբ հաստատել է, որ ակումբի սեփականատեր եւ նախագահ, թաիլանդցի գործարար Վիչայ Շրիվադհանապրաբհան զոհվել է ուղղաթիռի կործանման հետեւանքով: «Մեծ ափսոսանքով եւ սրտի ցավով հաստատում ենք, որ ակումբի սեփականատեր Վիչայ Շրիվադհանապրաբհան եղել է զոհվածների թվում: Ուղղաթիռում եղած հինգ ուղեւորներից ոչ ոք ողջ չի մնացել:
Մենք կորցրեցինք շատ լավ, բարի, առատաձեռն մարդու, որն իր կյանքը նվիրեց իր ընտանիքին, որին շատ էր սիրում եւ հաջողությամբ գլխավորում էր: «Լեսթեր Սիթին» նրա ընտանիքն էր»,- ասվում է ակումբի հայտարարությունում:
Ուղղաթիռում է եղել նաեւ Շրիվադհանապրաբհայի դուստրը, ակումբի մարզական տնօրենը, երկու օդաչուները: Առայժմ հայտնի չէ, թե ով է եղել 5-րդ ուղեւորը:
Հետևեք մեզ Viber-ում
