Վրաստանի նախագահի թեկնածուները `արդյունքների մասին
Առաջին երեք հորիզոնականները զբաղեցրած նախագահի թեկնածուները՝ Սալոմե Զուրաբիշվիլին, Գրիգոլ Վաշաձեն և Դավիդ Բաքրաձեն, մեկնաբանել են էքզիթփոլերի տվյալները: Սալոմե Զուրաբիշվիլին պատրաստվում է հաղթանակ տոնել նախագահական ընտրությունների առաջին փուլում, իսկ Դավիդ Բաքրաձեն կողմնակիցներին կոչ է արել երկրորդ փուլի դեպքում քվեարկել Գրիգոլ Վաշաձեի օգտին: Edison Research и BCG Research-ի տվյալներով, ընտրությունների երկրորդ փուլն անխուսափելի է, «”Психопроект”-ը պնդում է, որ ընտրություններում հաղթել է Սալոմե Զուրաբիշվիլին՝ հավաքելով ձայների 52%-ը: «Շատ շնորհակալ եմ բոլորից՝ հատկապես ինձ ընտրողներից: Սպասենք ԿԸՀ-ի տվյալների հրապարակմանը»,- հայտարարել է Զուրաբիշվիլին։ Երրորդ հորիզոնականում հայտնված Դավիդ Բաքրաձեն ընդունել է իր պարտությունն ու իր ընտրողներին կոչ արել երկրորդ փուլի դեպքում քվեարկել Գրիգոլ Վաշաձեի օգտին: Էքզիթփոլերի տվյալներին արձագանքել է նաև Գրիգոլ Վաշաձեն: «Համոզված եղեք, որ մենք հաղթելու ենք երկրորդ փուլում` խաղաղ, օրինական ճանապարհով, ինչպես անում էինք: Ինձ հաղորդեցին, որ «Եվրոպական Վրաստանի» էքզիթփոլի տվյալներով՝ մենք հաղթեցինք, նրանք մեզ աջակցում են: Այդ դեպքում հարկավոր է միայն ասել՝ շնորհակալություն:Դրան կհետևի միավորված ընդդիմության կազմում չգտնվող մյուս կուսակցությունների աջակցությունը»,- ասել է Վաշաձեն:
Հետևեք մեզ Viber-ում
