Խոշոր ավտովթար. վիրավորների մեջ է Նուբարաշենի բանտի անվտանգության ապահովման բաժնի առաջատար մասնագետը

Այսօր՝ հոկտեմբերի 28-ին, խոշոր ավտովթար է տեղի ունեցել Արարատի մարզում: Ժամը 02:30-ի սահմաններում Դիմիտրով գյուղի կենտրոնական ավտոճանապարհին բախվել են Արտաշատ քաղաղքի բնակիչներ, 25-ամյա Հովհաննես Սարդարյանի վարած Honda Fit մակնիշի 35 XL 651 համարանիշի և 36-ամյա Արման Սիմոնյանի վարած Toyota մակնիշի 34 OZ 366 համարանիշի ավտոմեքենաները: Ինչպես հայտնում է ֆոտոլրագրող Գագիկ Շամշյանը, վթարի հետևանքով 2 վարորդներն ու Ա. Սիմոնյանի ուղևոր, համաքաղաքացի, 47-ամյա Նարինե Սահակյանը մարմնական վնասվածքներով տեղափոխվել են Արտաշատի բժշկական կենտրոն: Դեպքի վայր են ժամանել ճանապարհային ոստիկանությանն 2-րդ սպայական գումարտակի 1-ին վաշտի 2-րդ դասակի ծառայողները՝ վաշտի հրամանատար Վահան Էվինյան գլխավորությամբ: Վթարի մասին ՃՈ 1-77 օպերատիվ կառավարման կենտրոնի պատասխանատու հերթապահ Երվանդ Ալեքսանյանը տեղեկությունը փոխանցել է ոստիկանութան Արտաշատի բաժին, որտեղից ժամանել է օպերատիվ խումբը՝ քրեական հետախուզության բաժանմունքի օպերլիազոր Վահան Հովհաննիսյանի գլխավորությամբ: Փաստի առթիվ ՃՈ 2-րդ սպայական գումարտակի 1-ին վաշտի հետաքննիչ Մարգար Մարգարյանի կողմից նյութեր են նախապատրաստվունմ: Գ. Շամշյանի տեղեկություններով՝ վարորդներից Ա. Սիմոնյանը աշխատում է Արդարադատության նախարարության Նուբարաշեն քրեակատարողական հիմնարկում՝ որպես անվտանգության ապահովման բաժնի առաջատար մասնագետ: Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: