«Մի քանի հարյուր աշխատատեղանոց առաջարկ կառավարությանը». Հովսեփ Խուրշուդյան
«Ժառանգություն» կուսակցության անդամ Հովսեփ Խուրշուդյանը ֆեյսբուքյան իր էջում գրել է. «Մի քանի հարյուր աշխատատեղանոց առաջարկ կառավարությանը: Նախորդ կառավարությունը այս տարվա հունվարին որոշում ընդունեց՝ արգելելով աջ ղեկով մեքենաների ներմուծումը հանրապետություն: Արդյունքում աջ ղեկով մեքենաներ ներկրողները դրանք հասցնում են Վրաստան, շուրջ 1000 դոլար ծախսում՝ դրանք ձախ ղեկ դարձնելու համար (աջ ղեկով մեքենաները այնքան էժան են, որ շատ թե քիչ ձեռնատու է անգամ այդքան ծախս անելով դրանք ներմուծելը) ու հետո ներմուծում Հայաստան՝ փաստացի ապահովելով Վրաստանում առնվազն մի-քանի հարյուր բարձր վարձատրվող աշխատատեղեր: Հիմա ես առաջարկում եմ կառավարության նոր որոշմամբ թույլ տալ ներմուծել աջ ղեկով մեքենաներ Հայաստան՝ պարտավորեցնելով X օրից հետո ներմուծած մեքենաները որոշակի խելամիտ ժամկետում վերամոնտաժել ձախ ղեկի: Այս գրառմանս ներքո արված մեկնաբանություններն էլ համարեք հանրային քննարկման տեսակ: Ի դեպ, առաջարկը փոխանցում եմ մի տաքսու վարորդի շուրթերից, որի անունը չգիտեմ»:
Հետևեք մեզ Viber-ում
