Կա շահերի բախում. Արմեն Սարգսյան
Վազգեն Սարգսյանի եղբայրը՝ Արմեն Սարգսյանը լրագրողների հետ զրույցում նշեց, որ անհրաժեշտ է վերաբացել հոկտեմբերի 27-ի գործը, քանի դեռ կասկածը կրծում է բոլորի սիրտն ու հոգին: «Կարծում եմ` վարչապետի պաշտոնակատար Նիկոլ Փաշինյանը մեծ ցանկություն ունի և կամք կդրսևորի այդ ուղղությամբ: Այլ հարց է, թե ինչքանով կհասնենք արդյունքի կամ ինչ արդյունքի կհասնենք: Դա կերևա ապագայում, բայց որ հավատում եմ նրան, որ Նիկոլ Փաշինյանը ցանկություն ունի չբացահայտված բազմաթիվ ոճիրներ բացահայտելու»,- հավելեց նա: Ըստ Արմեն Սարգսյանի՝ այս գործով կասկածները լիարժեք բացահայտված չեն: «Կասկածներ, որ հոկտեմբերի 27-ի հետ կապված եղել են նաև այլ մարդիկ, որոնք կամ ուղղորդել են, կամ նաև չեն ցանկացել, որ ամբողջովին բացահայտվի, կամ նաև կա շահերի բախում, կան պետական շահեր, պետությունների շահերի բախում, որոնք կարող են նաև թույլ չտալ, որպեսզի բացահայտվի»,- նշեց Արմեն Սարգսյանը:
Հետևեք մեզ Viber-ում
