«Գալիք խորհրդարանը երկար կյանք չի ունենալու». Պավել Մանուկյան

«Հրաբուխը դեռ ընթացքի մեջ է, և, իմ կարծիքով գալիք խորհրդարանը երկար կյանք չի ունենալու, բայց անցումային փուլն ապահովելու է: Հույսը կա, Նիկոլը հույսը տվել է, դրանում կասկած չկա, հալալ իրեն, բայց հավատը չկա»,- այսօր Եռաբլուրում լրագրողների հետ զրույցում ասել է «Սասնա ծռեր»-ի անդամ Պավել Մանուկյանը՝ անդրադառնալով ԱԺ արտահերթ ընտրություններին: «Սասնա ծռեր» կուսակցության ստեղծման վերաբերյալ նշել է, որ ինքը ի սկզբանե դեմ է եղել այդ կուսակցությանը և հիմա էլ դեմ է, բայց դա չի նշանակում, որ քաղաքականությամբ չի զբաղվելու: «Ո՞վ ասաց, որ չեմ փորձելու մտնել քաղաքականություն: Ես լինելու եմ այնտեղ, որտեղ իմ ժողովրդի ճնշված իրավունքն է: Ես «Սասնա ծռերի» հերոսական արաքը համարում եմ անհրաժեշտություն: Մենք բռնագաղթը կանխեցինք»,- ասել է Պավել Մանուկյանը: Նա նշեցլ է, որ նոր իշխանությունների չի տեսնում. «Եթե դուք տեսնում եք, դա ձեր գործն է, բայց ես նոր իշխանություններ չեմ տեսնում։ Ասում են՝ այլևս ոչ կեղծիքին, բայց իմ ընկերները բանտում են։ Ես որևէ բան չեմ արել, որ համաներման արժանանամ, ես ժողովրդի ցասումն եմ բավարարում»։