ՀՀԿ-ն միշտ ամեն ինչ չափում է իր տեսածով ու իմացածով՝ իր արշինով.Գ.Գորգիսյան
ԱԺ ճեպազրույցների ժամին Ելք» խմբակցության պատգամավոր Գևորգ Գորգիսյանը՝ անդրադառնալով ԸՕ նախագծի տապալմանը ,ասաց.«ՀՅԴ-ն, «Ծառուկյան» խմբակցությունն ու ՀՀԿ-ից դուրս եկած 18 պատգամավորներ իրենց սատարումն էին հայտնել վարչապետին, ուստի ենթադրվում էր, որ ներկա կլինեն ու կողմ կքվեարկեն Ընտրական նոր օրենսգրքի նախագծին, բայց տեսանք, որ որոշ մարդիկ բացակայում էին նշված երեք խմբերից»: ԱԺ արտահերթ ընտրություններին «Լուսավոր Հայաստան»-ը մասնակցելու է «Հանրապետություն» կուսակցության հետ միասին,տեղեկացրեց պատգամավորը: Անդրադառնալով ՀՀԿ փոխխոսնակ Էդուարդ Շարմազանովի հայտարարությանը, թե ի դեմս «Լուսավոր Հայաստանի», գործող իշխանությունը գրպանային ընդդիմություն է ունենալու, ասաց. «ՀՀԿ-ն միշտ ամեն ինչ չափում է իր տեսածով ու իմացածով՝ իր արշինով: Դա իրենք տեսել են իրենց պարագայում, երբ կային ընդդիմություններ, որոնց վրա ունեին լծակներ: Մեր պարագայում չկա ու չի լինի որևէ լծակ»:
Հետևեք մեզ Viber-ում
