Ինչ թղթի են սպասում պատգամավորի կալանավորման համար. հայտնում է Փաշինյանը
Վարչապետի պաշտոնակատար Նիկոլ Փաշինյանը խորհրդարանում քվեարկությունից հետո պատասխանեց լրագրողների հարցերին: Հարցին, թե ի՞նչ կոռուպցիոն բացահայտման մասին խոսեց, երբ ասաց, որ պատգամավորներից մեկի մասնակցությամբ կաշառքի մեծ գործ է բացահայտվում, Փաշինյանը պատասխանեց. «Ես կարծում եմ՝ ավելի խոշորներն էլ կբացահայտվեն, բայց սա բացահայտվածներից ամենախոշորն է: Ես ասացի՝ մենք սպասում ենք թղթի, այդ թղթի ոչ պաշտոնականը, որը ֆաքսով է ուղարկվել, արդեն կա, մենք սպասում ենք դրա բնօրինակին: Դա բանկային փոխանցման թուղթ է, անհասկանալի է, թե ինչու չենք ստանում, մենք երեք ամիս ամեն օր սպասում ենք այդ թղթին»,- ասաց նա: Այնուհետև նա նաև չբացառեց, որ խորհրդարանական արտահերթ ընտրություններում Քաղաքացիական պայմանագիր կուսակցության ցուցակում կլինեն նաև ՀՀԿ խմբակցությունից թեկնածուներ, միաժամանակ բացառելով, որ օլիգարխներ կլինեն ցուցակում: «Ձեր հարցերից տպավորություն է ստեղծվում, թե մեր ցուցակը ձևավորված է լինելու Հանրապետականներից, կարող են լինել մեկ, երկու, երեք դեպքեր»,- հավելեց Փաշինյանը:
Հետևեք մեզ Viber-ում
