Ռեւանշի երեք իրական փորձ է եղել. որոնք են դրանք
«Մինչեւ օրս ռեւանշի երեք իրական փորձ է եղել: Դրանցից մեկը Ռոբերտ Քոչարյանի շուրջ կոնսոլիդացիա իրականացնելու փորձն էր, որը սակայն ձախողվեց հիմնական քաղաքական գործոնի՝ ժողովրդի միանշանակ եւ հուժկու մերժման պատճառով: Երկրորդ փորձը հոկտեմբերի 2-ին ԱԺ-ում տեղի ունեցածն էր, երբ խորհրդարանական մեծամասնության ձեռամբ այնպիսի փոփոխություններ էին իրականացվում ԱԺ կանոնակարգ օրենքում, որ ժողովրդի գործոնը զրոյացվի, ընթացիկ քաղաքական գործընթացների համատեքստում: Բայց երկու ժամվա ընթացքում շուրջ 80 հազար ՀՀ քաղաքացիներ շրջափակեցին ԱԺ շենքը եւ ցույց տվեցին, որ ժողովրդի քաղաքական գործոնը բացառելու բոլոր փորձերը կարժանանան ընդարձակ ժողովրդական դիմադրության: Ռեւանշի հաջորդ քայլը այս երկուշաբթի ԱԺ-ում տեղի ունեցածն էր, երբ ՀՀԿ-ն, ըստ էության, բոյկոտեց ու տապալեց Ընտրական օրենսգրքի փոփոխությունները: Սա արվում էր նրա համար, որ առաջիկա ԱԺ ընտրությունները տեղի ունենան գործող ԸՕ-ով, այսինքն ռեյտինգային ընտրակարգով, որովհետեւ ՀՀԿ-ի ներկայացուցիչների, նրանց հետ ասոցացվող անձանց եւ ուժերի շրջանում հանկարծակի հույս ծագեց, որ ռեյտինգային ընտրակարգը կարող է իրենց շանս տալ առաջիկա ընտրություններին հասնել ռեւանշի»,- ԱԺ-ում որպես վարչապետի թեկնածու իր ելույթում նշեց Նիկոլ Փաշինյանը
Հետևեք մեզ Viber-ում
