Եռակի ահաբեկչություն Եմենում. կան զոհեր

AFP-ն հայտնում է,որ  22 մարդ է դարձել միանգամից եռակի պայթյունների զոհ, որոնք տեղի են ունեցել Եմենի հարավում՝ Ադեն քաղաքում, վիրավորվել է 15 մարդ, տուժածների մեծ մասը խաղաղ բնակիչներ են:Պատասխանատվությունն ստանձնել է ԴԱԻՇ-ը: 2 պայթուցիկ սարքը, որը տեղադրված է եղել ավտոմեքենաներում, գործի է դրվել Ադենի արևմուտքում՝ Էշ-Շաաբ շրջանի հսկիչ-անցագրային կետերի մոտ: Եվս 1 ռումբ, որը տեղադրված է եղել շտապօգնության ավտոմեքենայում, պայթել է քաղաքի կենտրոնական Էլ-Մանսուրա շրջանում: Պայթյուններից անմիջապես հետո տասնյակ զինյալներ են փորձել գրոհել արաբական կոալիցիայի ուժերի բազան, սակայն հարձակումը հետ է մղվել ԱՄԷ-ի Զինված ուժերի ռազմական ուղղաթիռների օգնությամբ: