Դժբախտություն կլիներ, եթե ՀՀ վարչապետը Հայաստանում բիզնես շահ ունենար. դա բացառված է. Փաշինյան

Կապանում քաղաքապետի «Իմ քայլը» դաշինքի թեկնածուի քարոզարշավին մասնակցելով՝ ՀՀ վարչապետի պաշտոնակատար Նիկոլ Փաշինյանը հայտարարեց. «Բիզնեսը Հայաստանում պետք է տարանջատվի քաղաքականությունից: Ով ուզում է բիզնեսով զբաղվել, պետք է հեռանա քաղաքականությունից: Հայաստանում նախկինում խնդիր էր բիզնեսը և քաղաքականությունը տարանջատելը: Ես մեծ հարգանք ունեմ բոլոր գործարարների նկատմամբ: Շատ կարևոր է, որ նրանք իրենց աշխատանքային տաղանդով կարողանում են բիզնես անել, հարկեր վճարել: Գործարարները կարևոր դերակատարություն պետք է ունենան մեր երկրի զարգացման գործում: Բայց, ամեն մեկը պետք է զբաղվի իր գործով: Դժբախտություն կլիներ, եթե ՀՀ վարչապետը Հայաստանում բիզնես շահ ունենար: Դա բացառված է: Կապանի քաղաքապետի թեկնածու Նարեկ Բաբայանը չունի բիզնես, նրա միակ գործը պետք է լինի ժողովրդին ծառայելը: Ով ուզում է բիզնեսով զբաղվել, թող հեռանա քաղաքականությունից, զբաղվի այդ գործով: Մենք չենք կարող որոշել, թե ով ինչով զբաղվի, ժողովուրդը պետք է որոշի իր ընտրությամբ: Բիզնեսը չի կարող խառնվել քաղաքականությանն ու պետական կառավարմանը»: