Փաշինյանը որդու հրամանատարին չի՞ ճանաչում
Վարչապետի պաշտոնակատար Նիկոլ Փաշինյանը հանդիպում է ունեցել Սյունիքի մարզպետարանում: Նա լսել է համայնքի ղեկավարների կողմից բարձրաձայնված խնդիրները: Կապան քաղաքի մարզադպրոցի ջեռուցման հետ կապված՝ դպրոցի տնօրենների ներկայացուցիչը Նիկոլ Փաշինյանին խնդրեց լուծում տալ հարցին: Անդրադառնալով վառելափայտի վերաբերյալ մտահոգություններին՝ վարչապետի պաշտոնակատարը նշեց, որ իր հանձնարարությամբ, սանիտարական հատումների շրջանակներում, կապահովվի այդ հարցի լուծումը. «Բայց անտառային բիզնեսին պետք է վերջ տալ, քանի որ դա խփում է բնապահպանությանը»,- ասաց նա: Անդրադարձ կատարվեց վթարային շենքերը չգազաֆիկացնելու կառավարության որոշմանը. «Այդտեղ ես ի՞նչ պետք է անեմ, պետք է ֆիքսել խնդիրը և հետազոտել»,- նշեց նա: Մի անձնավորություն, ներկայանալով որպես Նիկոլ Փաշինյանի որդու՝ Աշոտ Փաշինյանի հրամանատարին մտերիմ մարդ, խնդրեց Փաշինյանին ընթերցել նրա ձեռքով գրված գիրքը: «Կընթերցեմ, բայց ես որդուս հրամանատարին չեմ ճանաչում»,- ասաց Նիկոլ Փաշինյանը:
Հետևեք մեզ Viber-ում
