Հունան Պողոսյանի հրաժարականը պահանջողներն ու ճանապարհը կրկին փակողները ՔՊ 5 անդամներն են. Գորիսի համայնքապետի տեղակալ
Իրան-Հայաստան միջպետական ճանապարհն այս պահին բաց է. բողոքավորները ճանապարահը բացել են Գորիսի քաղաքապետ Առուշ Առուշանյանի հորդորից հետո: Այս մասին Հայակական ժամանակի հետ զրույցում ասաց Գորիսի համայնքապետի տեղակալ Մենուա Հովսեփյանը: Նա ասաց, որ կրկին ճանապարհ փակողները եղել են 4 հոգի. փակողները Գորիսի «Քաղաքացիական պայմանագիր» գրասենյակի անդամներ են: «Նրանց ավելացել է նաեւ ենթադրաբար կազմակերպիչը՝ Գարիկ անունով, որը տարիներ շարունակ Գորիսում չի եղել ու եկել, Գորիսի անունից քայլեր է ձեռնարկում: Վարչապետի նշանակմանը ոչ ոք դեմ չէ, քանի որ վարչապետը ժողովրդի ընտրյալն է: Եկել է, որպես հեղափոխական է ներկայանում, հեղափոխական մարդը նման քայլեր կձեռնարկի՞: Հիմա ճանապարհը բաց է ու ամեն ինչ նորմալ է»,- մեր զրույցում ասաց Հովսեփյանը: Նախկին փոխոստիկանապետ Հունան Պողոսյանը մարզպետի պաշտոնում է նշանակվել հոկտեմբերի 16-ին: Ի նշան նոր մարզպետի դեմ բողոքի`Սյունիքի մարզում ճանապարհ էին փակել նույն օրը: Բողոքավորները կրկին նույն անիձնք էին:
Հետևեք մեզ Viber-ում
