«Ես իմ ասածների համար էլ պատասխանատու չեմ». Ծառուկյան

Այսօր «Մայնինգ» ֆերմայի բացմանը լրագրողների հետ զրույցում ԲՀԿ նախագահ, «Մուլտի գրուպ» կոնցեռնի նախագահ Գագիկ Ծառուկյանը, խոսելով Երեւանի ավագանու, նաեւ 2017-ի խորհրդարանական ընտրությունների ժամանակ իր խոստացած ներդրումների մասին, նշեց, որ ինքն այլևս պատասխանատու չէ: «Իմ գործընկերներն ասել էին 50 մլրդ ներդրում կանեն, երբ մեր բյուջեն 2,5 մլրդ է, ասեցի՝ եթե մենք մեծամասնություն ենք, 15 մլրդ ներդրում բերեն մեր գործընկերները, ժողովուրդն ասեց՝ Ծառուկյանը բլեֆ արեց: Համապատասխան իմ գործընկերոջը զանգեցին, ինքը հեռուստատեսությամբ ելույթ ունեցավ, ասեց՝ մենք պատրաստակամ ենք դնելու, անելու: Քաղաքապետի ընտրությանը, որ ասեցինք, դուք տեսաք, որ եկել էին 20 երկրից 38 քաղաքապետ, եկել էին ներդրողներ, քաղաքական գործիչներ, համապատասխան ասելով, չափելով ինչ անհրաժեշտ է: Երեւանում միջին խավը, որը կազմում է Երեւանի 65-70 տոկոսը, որ 30 տարի տուն չի ստացել, չի գնել, կարող ա՞ դուք կասկածում եք իմ ասածի մեջ: Բնակարանը՝ հարս, փեսա, տղա, թոռ, քուր, ախպեր 7-8 հոգով սաղ էդ 2 սենյակում են քնում, որ պետք ա մի հատ քայլ կատարվի, որ 65 հազար դրամով 8 տարում մարդը կարողանա 50 քմ-ի տեր լինի: Ձեզ ասեցինք՝ բյուջեում գումար չկա, չենք սպասելու, մինչեւ բյուջեում գումար լինի, հաղթելու դեպքում էդ աշխատանքները սկսելու ենք: Մենք հիմա աշխատում ենք, բայց ես իմ ասածների համար էլ պատասխանատու չեմ, պատասխանատուն նա ա, ում հավատացել եք, մենք միայն կարանք մեր 5 ավագանիով համապատասխան մեր ժողովրդի բողոքի ձայնը բարձրացնենք եւ համապատասխան հաղթողներին հիշեցնենք, թե նրանք ժողովրդին ինչ են խոսք տվել»: