Խուճապ` Քենիայի համալսարանում

Առնվազն 38 ուսանող է տուժել Քենիայի համալսարանում խուճապի պատճառով, որը առաջացել է ահաբեկիչների հարձակման մասին աղաղակից հետո, հայտնում է Associated Press-ը: Նշվում է, որ սա համալսարանում արդեն չորրորդ նմանատիպ դեպքն է անցած տարվա ահաբեկչական հարձակումից հետո, որի ժամանակ զոհվեց 148 մարդ: Ոստիկանությանը հայտնել են, որ խուճապն առաջացել է, երբ ուսանողներից մեկը դանակով հարձակում է գործել մյուսի վրա: Մարդիկ դուրս են թռչել բարձր հարկերի պատուհաններից: Հարձակվողին ձերբակալել են, իսկ տուժածները լուրջ վնասվածքներ չեն ստացել: