Դեսպանն ինչ-որ պահի հասկացել է, որ խոսում է ավելին, քան պետք է.ՌԴ ԱԳՆ-ն ՝Միլսի հայտարարությունների մասին
«ԱՄՆ դեսպանը հոկտեմբերի 9-ին ելույթ է ունեցել հայ-ամերիկյան առևտրային պալատում և ասել, որ իր երկրի կառավարությունն ու ամերիկյան դեսպանությունը վերջին տասնամյակների ընթացքում նպատակաուղղված աջակցել են հայկական հասարակության որոշակի խմբերի և կառավարության որոշ ներկայացուցիչների: Միևնույն ժամանակ ինքնիշխան պետության ներքին գործերին միջամտության մասին դեսպանը խոսել է անգամ առանց երկմտելու, անգամ մի տեսակ հպարտությամբ, կարծես այդ ամենն անհրաժեշտ է եղել բարի նպատակի իրագործման համար, որն իբրև թե Հայաստանն առավել արդար և թափանցիկ հասարակություն դարձնելն է: Այնուամենայնիվ, դեսպանն ինչ-որ պահի հասկացել է, որ խոսում է ավելին, քան պետք է, և իրավիճակը շտկելու համար ասել է, թե Հայաստանում վերջին փոփոխությունները երկրի ներսում տեղի ունեցած իրադարձությունների պատճառ են: Նա նաև խոսել է հայ ժողովրդի անկոտրում կամքի մասին, բայց դա իրավիճակը չի շտկել, ասվածն արդեն ասված է»,- ՌԴ ԱԳՆ պաշտոնական ներկայացուցիչ Մարիա Զախարովան ասուլիսի ժամանակ անդրադարձել է Հայաստանում դիվանագիտական առաքելությունն ավարտող ԱՄՆ դեսպան Ռիչարդ Միլսի վերջին հայտարարություններին:
Հետևեք մեզ Viber-ում
