Ում «յաշիկը» տեղափոխվեց Երևանի «գաի պլաշչադկա»

Քիչ առաջ ճանապարհային ոստիկանության ծառայողները Երևանի ՃՈ հատուկ պահպանվող տարածք են տեղափոխել Mercedes G մակնիշի K 707 EA 77 RUS համարանիշի ավտոմեքենան։ Ինչպես հայտնում է ֆոտոլրագրող Գագիկ Շամշյանը, ճանապարհային ոստիկանության օպերատիվ կառավարման կենտրոնում տեղեկություններ էին ստացվել, որ նշված ավտոմեքենայի համարանիշները ինքնաշեն են և կեղծ և ՃՈ ծառայողները նշված «յաշիկը» հայտնաբերեցին Արաբկիր վարչական շրջանի Կոմիտասի պողոտայում, իսկ վարորդը փորձում էր ճանապարհային ոստիկաններին համոզել, որ իր կատարած անօրինակայութունը չտեսնելու տան։ Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: