«Իմ քայլը» դաշինքի անդամներից երեքը հրաժարվել են Երեւանի ավագանու մանդատից

Հայկական ժամանակը գրում է. Երևանի ավագանու «Իմ քայլը» դաշինքի խմբակցության անդամ, վարչապետի խորհրդականներ Սրբուհի Ղազարյանը եւ Նիկոլայ Բաղդասարյանը, որոնք դաշինքի ցուցակում էին, դիմում են գրել ավագանու մանդատից հրաժարվելու մասին: Սրբուհի Ղազարյանն, որը դաշինքի ցուցակում 2-րդն էր, նշել է, որ որոշել է շարունակել իր աշխատանքը որպես վարչապետի խորհրդական, և երկու աշխատանքները միասին անհամատեղելի են: «Իմ քայլը» դաշինքի խմբակցության անդամ, հասարակական հիմունքներով վարչապետի խորհրդական Նիկոլայ Բաղդասարյանը, որը դաշինքի ցուցակում 15-րդն էր ևս հրաժարվում է ավագանու մանդատից: Երևանի ավագանու մանդատից հրաժարվել է նաև դաշինքի ցուցակում ընդգրկված Տրդատ Սարգսյանը, որը նշանակվել է Վայոց Ձորի մարզպետ: Նա դաշինքի ավագանու ցուցակում 4-րդ համարն է: Հիշեցենք՝ «Իմ քայլն» ավագանու խմբակցությունն ունի 57 մանդատ: