Ադրբեջանի «սև ցուցակում» են հայտնվել Արցախ այցելած ՌԴ կին գործիչները

Ռազմական վերլուծաբան Աշոտ Ասատրյանը ֆեյսբուքյան իր էջում գրել է․ «Ադրբեջանի «սև ցուցակը» համալրվում է նոր անուններով․ Ադրբեջանում արդեն ավանդույթ է դարձել երկրի «սև ցուցակը» նոր անուններով համալրելը։ Այս անգամ այդ «բախտին» արժանացել են ՌԴ կին գործիչները, ովքեր ՀՀ առաջին տիկին Աննա Հակոբյանի հետ այցելել են Արցախ՝ խաղաղության քարոզ կատարելու համար։ «Սև ցուցակում» են հայտնվել ՌԴ Պետդումայի «Միասնական Ռուսաստան» կուսակցության պատգամավոր Սվետլանա Ժուրովան, հայտնի ռուս գրող Լյուդմիլա Ուլիցկայան, հոսպիսների օգնության բարեգործական «Վերա» հիմնադրամի հիմնադիր Աննա Ֆեդերմեսսերը, լրագրողներ Կիրա Ալտմանը և Կատերինա Գորդիևան, «Կամավորների օգնություն ծնողազուրկ երեխաներին» բարեգործական հիմնադրամի ղեկավար Ելենա Ալիշանսկայան,«Երազանքի դահուկներ» հիմնադրամի տնօրեն Օլգա Շիլովան։