Վերջ դերասանությանը

Երևանի նորընտիր քաղաքապետ Հայկ Մարությանը համոզված է, որ ժամանակ չի ունենա դերասանական կարիերան շարունակելու համար: Այս մասին այսօր՝ հոկտեմբերի 13-ին, լրագրողների հետ զրույցում ասաց Երեւանի նորընտիր քաղաքապետ Հայկ Մարությանը։ «5 տարի անց ես կարող եմ հետ վերադառնալ իմ դերասանական կարիերային, բայց օրենքը թույլ է տալիս, որ հիմա էլ որպես դերասան հանդես գամ, բայց վստահ եմ՝ ժամանակ չի լինելու»,- ասաց նա։ Երևանի նորընտիր քաղաքապետը վստահեցրեց, որ քաղաքացիները Երևանի հետ կապված փոփոխությունները զգալու են միանգամից: «Գլոբալ խնդիրները, որոնք ծառացած են մեր առջև՝ աղբահանությունը, տրանսպորտը մենք սկսելու ենք լուծել և ընթացքն անպայման մեր համաքաղաքացիները կտեսնեն»,-նշեց նա