Սեյրան Օհանյանը խաղի մեջ կմտնի՞

Արայիկ Խանդոյանի հոգեհանգստի ժամանակ լրագրողների հետ զրույցում ՀՀ պաշտպանության նախկին նախարար Սեյրան Օհանյանն անդրադարձել է ներքաղաքական կյանքին՝ նշելով, որ որքան շուտ Հայաստանի իշխանական բոլոր թեւերը համապատասխանեցվեն մեր ժողովրդի կամքին, այնքան ավելի արագ մենք կկարողանանք մեր երկրի գործունեությունը ճիշտ տեմպերով կատարել: «Հայաստանում փոփոխությունների անհրաժեշտության մասին ներքաղաքական կյանքում, նաեւ սոցիալ-տնտեսական ոլորտում ես բազմիցս արտահայտվել եմ, նաեւ նախկին ընտրությունների ժամանակ խոսել եմ: Այն, ինչ այսօր կատարվում է Հայաստանում, ես այդ ամենի հետ համամիտ եմ, միաժամանակ ըստ անհրաժեշտության, եթե անհրաժեշտություն լինի, ինքս ինչ-որ մի պահի իմ մասնակցությունը կցուցաբերեմ»,-ասաց նա: