ԵԽԽՎ-ն ՌԴ-ից Կաչինսկու կործանված ինքնաթիռի բեկորներն է պահանջել
ԵԽԽՎ-ն հոկտեմբերի 12-ին ընդունած բանաձևով Ռուսաստանից պահանջել է Լեհաստանի իշխանություններին հանձնել 2010 թվականի ապրիլի 10-ին Սմոլենսկի մոտակայքում կործանված Տու-154 ինքնաթիռի բեկորները: Բանաձևի հեղինակները կոչ են արել ռուսական իշխանություններին ձեռնպահ մնալ վթարի վայրում ցանկացած քայլից, որը կարող է լեհական կողմից դիտվել որպես զոհերի հիշատակը վիրավորող գործողություն:
Փաստաթղթում նաև ասվում է, որ աղետի պատճառների մասին ռուսական և լեհական հանձնաժողովների եզրակացությունները հիմնականում համընկնում են. ինքնաթիռը կործանվել է պատահարի հետևանքով: Սակայն Ռուսաստանն ինքնաթիռի կործանման ողջ պատասխանատվությունը բարդում է անձնակազմի վրա:
Հետևեք մեզ Viber-ում
