Ու՞մ կամքի արտայատողն է ՀՀ ԱԺ ՀՀԿ խմբակցությունը
Պարադոքսներ, պարադոքսներ... Ու՞մ կամքի արտայատողն է ՀՀ ԱԺ ՀՀԿ խմբակցությունը, անկախ նրանից, թե ինչի համար կամ ինչպես է քվեարկում - Բոլոր կուսակցություններն ընդունում են, որ այս պահին Հայաստանի ժողովուրդը հեղափոխական կառավարության կողմն է, ըստ էության նրան է ընտրելու, և, իհարկե, մասնավորապես ՀՀԿ-ին դեմ է - Բոլորն ընդունում են, որ այս պահին Հայաստանի ժողովորդը ՀՀԿ կուսակցությանը դեմ է, բայց Հայաստանի ԱԺ-ում Հայաստանի ժողովրդի ՛՛ներկայացուցիչների՛՛ ամենամեծ քանակությունը ՀՀԿ-ն է: Ամենաչուզածը, ամենամերժվածը՝ ամենաշատն է -Տեսականորեն ՀՀ ԱԺ-ի պատգամավորները ՀՀ ժողովորդի կամքը արտահայտողներն են: Ներկա պահին ԱԺ ՀՀԿ-ն ՀՀ ժողովրդի կամքի արտահայտողը չի, դա ընդունում է նաև ՀՀԿ-ն, բայց քվեարկությամբ "Հայաստանի ժողովդրի կամքի ամենամեծ արտահայտողն է" -Ինչպե՞ս կարելի է թույլ տալ, որ Հայաստանի ժողովրդի կողմից մերժված ՀՀԿ-ն կամ նրա առանձին անդամ պատգամավորներ քվեարկեն Հայաստանի ժողովրդի կամքի համար: Ըստ էության նրանք արդեն ապրիլի վերջից գործնականում այլևս ժողովորդի՝ ընտրողների պատգամ կատարող՝ պատգամավոր չեն, միայն քարացած իրավունքի ուժով են պատգամավոր համարվում -Իրավունք ունե՞ն արդյոք գործնականում մերժված ՛՛պատգամավորները՛՛ իրավական քվեարկության մասնակցելու, որքա՞ն գործնական լեգիտիմություն կունենա այդ քվեարկությունը -Լա՞վ է, թե՞ լավ չէ, որ ՀՀԿ առանձին պատգամավորներ հայտարարում են ՛՛ժողովրդի կամքին՛՛ միանալու մասին, երբ նրանք ժողովրդի կամքով չեն ընտրվել, վստահաբար ժողովրդիկ կամքի հետ որևէ առնչություն չեն ունեցել, և վստահաբար երբեք չեն ունենալու, եթե Հայաստանում ընդամենը 2-3 հազար մարդ չմնա, -Ուզու՞մ ենք մենք մեր երկրի իշխանությունը նվաճել, թե՞ համաձայն ենք, որ մեր երկրի իշխանությունը մեզ ՛՛նվիրի՛՛ իշխանության ուզուրպատորը: Դա նվե՞ր կլինի, թե՞ մի կաթիլ թույն խառնած մեղրի տակառ: Եթե վերջինը՝ ինչպե՞ս կարող ենք մենք այդ մեղրի տակառից օրինական, օրինավոր, գործունյա և կարող, նվիրատուի հավակնություններից ազատ իշխանություն ձևավորել: Կարծում եք կարո՞ղ ենք -Գուցե, այնուամենայնիվ, ժողովրդի իրական կամքը ՀՀԿ-ի պատգամավորներին ՛՛ետ կանչելը՛՛՝ նրանց հրաժարական պարտադրե՞լն է: Այնպես, որ ՀՀ ԱԺ-ում իրավական ճգնաժամ առաջանա, որի միակ լուծումը առանց ՀՀԿ-ի նվերի արտահերթ ընտորությունները կլինեն: Եթե սա՛ է ժողովրդի կամքը, ապա ազնիվ կլինի, եթե ՛՛դեկտեմբերիկներ՛՛ արտադրելու փոխարեն ՀՀԿ-ն իր համագումարով դադարեցնի ԱԺ-ում իր գործունեությունը, ետ կանչի իր ՛՛պատգամավորներին՛՛, և շանս տա Հայաստանի ժողովրդին արտահերթ ընտրություններ անց կացնել առանց թաքնված հավակնությունների՝ փաստացի նախապայմանների: ՀՀԿ-ի կողմից սա իսկապես կլինի ՀՀ ժողովրդի կամքի կատարում:
Հետևեք մեզ Viber-ում
