Երևանի քաղաքապետի երդման արարողության օրը հայտնի է

Երևանի նորընտիր քաղաքապետ Հայկ Մարությանի երդման արարողությունը տեղ է ունենալու հոկտեմբերի 13-ին, ժամը 12-ին, Երևանի քաղաքապետարանում կայանալիք ավագանու նիստում,  ավագանու անդրանիկ նիստի ընթացքում հայտարարեց քաղաքապետարանի աշխատակազմի քարտուղար Սերգեյ Մակարյանը: «Համաձայն Երևան քաղաքում «Տեղական ինքնակառավարման մարմնի» մասին օրենքի 47-րդ հոդվածի՝ քաղաքապետը լիազորությունները ստանձում է ընտրվելուց հետո 3-րդ օրացուցային օրը, ավագանու նիստում, Երևանի բնակիչներին տրված երդմամբ»,- ասաց նա: Նա հայտնեց, որ նիստին ներկա գտնվելու համար հրավերներ են ուղարկվելու ՀՀ բարձրաստիճան պաշտոնատար անձանց, պետական, հասարակական, մշակութային և եկեղեցական գործիչների, պատվավոր հյուրերի։