Մի շարք պատգամավորների նկատմամբ ճնշումներ են գործադրվել. Աշոտյանը բացում է փակագծերը

Մի շարք պատգամավորների նկատմամբ ճնշումներ են գործադրվել։ Այսօր Ազգային ժողովում լրագրողների հարցերին ի պատասխան հայտարարել է ՀՀ ԱԺ պատգամավոր Արմեն Աշոտյանը՝ անդրադառնալով պատգամավորների ստորագրահավաքին։«Իմ ունեցած տեղեկությունների համաձայն, մի շարք պատգամավորների հանդեպ եղել են ճնշումներ, գործադրվել է ռեպրեսիվ ապարատը իր բոլոր հնարավորություններով, անգամ փորձում էին գտնել որոշ պատգամավորների վրա արտերկրից ներազդելու հնարավորություններ: Նման լուրեր տարածվել են ու որոշակի տեղեկություններ ես ևս ունեմ։ Թող այդ մարդիկ իրենք խոսեն այդ ճնշումների մասին», - ասել է նա: Աշոտյանն ասաց, որ պատգամավորների նկատմամբ ճնշումների մասին իր հայտարարությունները մերկապարանոց չեն։