Մարտեր են մղում Պալմիրայի հարավում

SANA տեղեկատվական գործակալությունը հայտնում է, որ  Սիրիական բանակի զինվորականներն ու աշխարհազորային ջոկատներն ազատագրել են Էզ Զիրաա հրապարակը Պալմիրայի հարավային մասում և հետապնդում են նահանջող ԻՊ  խմբավորման ահաբեկիչներին,  գրոհայինները դուրս են բերվել Dedeman հյուրանոցից և այն բարձունքից, որի վրա գտնվում է հեռահաղորդակցային աշտարակը: Զորքերն ինտենսիվ մարտեր են մղում հակառակորդի դեմ Պալմիրայի արևմտյան մուտքի մոտ: Ինչպես հայտնել է Հոմս նահանգի նահանգապետ Թալյալ ալ Բարազին, բանակային առաջատար ստորաբաժանումները գտնվում են քաղաքի կենտրոնական մասից մոտավորապես 1 կմ հեռավորությամբ։