Թող ՀՀԿ-ն ցույց անի, ես լրջորեն կքննարկեմ այդ հանրահավաքում ելույթ ունենալու հնարավորությունը.Ն.Փաշինյան
«Պատգամավորը պետք է ներկայացնի ժողովրդին։ Երբ պատգամավորը չի ներկայացնում ժողովրդին, ինքը պետք է մտածի իր մանդատի մասին: Ասում են, որ իրենք ունեն կողմնակիցներ ու պատրաստվում են ցույցեր անել, խնդրեմ, թող անեն, Հայաստանում երաշխավորված է ցույցեր անելու իրավունքը, եւ ես էլի ասում եմ, որ լրջորեն կքննարկեմ այդ հանրահավաքում ելույթ ունենալու հնարավորությունը, ես ասում եմ սա ամենայն լրջությամբ»,- պատասխանելով լրագրողների այն հարցին, որ ՀՀԿ-ական պատգամավորները նշում են, թե սահմանադրական չէր, որ պաշարվել էր Ազգային ժողովը, պատգամավորների վրա ճնշում էր գործադրվել,նման պատասխան տվեց վարչապետ Նիկոլ Փաշինյանը: «Այս Ազգային ժողովը դե ֆակտո լուծարված է, մնում է դե յուրե այն լուծարել։ Կարող եմ խորհուրդ տալ հետեւյալը՝ բացեք եւ կարդաք մայիսին վերլուծաբանների վերլուծությունները, ովքեր ասում էին, որ անխուսափելիորեն հինգ ամսից իմ վարկանիշը գահավիժելու է, փաստորեն, օրեր առաջ տեղի է ունեցել հարցում ու պարզվել է, որ ժողովրդի վստահությունը պետության ղեկավարի նկատմամբ երրորդ Հանրապետության պատմության համար աննախադեպ է»,-դիտարկմանը՝ ՀՀԿ-ականներն ասում են, որ Նիկոլ Փաշինյանը մտավախություն ունի, որ իր ռեյտինգը կընկնի,արձագանքեց վարչապետը:
Հետևեք մեզ Viber-ում
