Թուրքիայում ավտոմեքենա է պայթեցվել. կան զոհեր

Թուրքիայի Դիարբեքիր նահանգում՝ ժանդարմերիայի պահակակետի մոտ, ականապատված ավտոմեքենայի պայթյունի հետևանքով երեկ 3 մարդ է սպանվել, հայտնում է Haber Turk հեռուստաալիքը: Եվս 22 մարդ վնասվածքներ է ստացել: Պայթյունից հետո անհայտ անձինք կրակ են բացել ժանդարմերիայի ուղղությամբ ավտոմատ զենքից: Իրավապահները պատասխան կրակ են բացել: Կատարվում է հարձակվողներին հայտնաբերելու օպերացիա: Թուրքիայի իշխանությունները հարձակման մեջ կասկածում են «Քրդական աշխատավորական» կուսակցության զինյալներին: