Հռոմի պապը լվացել է փախստականների ոտքերը

Հռոմի պապ Ֆրանցիսկոսը Չարչարանաց շաբաթվա Ավագ հինգշաբթի օրը լվացել և համբուրել է 12 հավատացյալների ոտքերը։ Նրանցից 11-ը եղել են փախստականներ, 1-ը՝ իտալուհի՝ քաղաքական ապաստանի ստացման համար հայց ներկայացրած անձանց ժամանակավոր պահման կենտրոնից։ Այս մասին հայտնում է RIA Novosti-ն։ 12 հավատացյալներից 5-ը եղել են կաթոլիկներ, 3-ը՝ մուսուլման, 3-ը՝ ղպտի և 1-ը՝ հինդու։ Փախստականների ժամանակավոր պահման կենտրոնում, որտեղ գտնվում են 892 ներգաղթյալներ, Ֆրանցիսկոս պապը պատարագ է մատուցել, ինչպես նաև հանդիպել փախստականների երեք ընտանիքների հետ, որոնցից 2-ը եղել են Էրիթրեայից, մեկը՝ Պաղեստինից։ Հռոմի պապը դատապարտել է Բրյուսելում իրականացված ահաբեկչական գործողությունները և հայտարարել, որ ահաբեկչությունների համար մասամբ մեղավոր են զենք արտադրողները։