Ինչ է պայմանավորվել Նիկոլ Փաշինյանը ԱԺ խմբակցությունների հետ

Գիշերը Ազգային ժողովում խմբակցությունների հետ բանակցություններից հետո վարչապետ Նիկոլ Փաշինյանը խորհրդարանի բակում հավաքված ժողովրդին ներկայացրել է բանակցությունների արդյունքները: «ՀՀԿ, Ծառուկյան դաշինք և ՀՅԴ խմբակցություններիներկայացուցիչները նույնպես ասացին, որ պետք է ճգնաժամն այնպես հաղթահարվի, որ երկիրը շահած դուրս գա այս ամեն ինչից: Սկսեցինք խոսել որն է դրա տարբերակը: Ես ասացի, որ դա տարբերակը հետևյալն է՝ ես առաջիկա օրերին պետք է հրաժարական տամ վարչապետի պաշտոնից և ես ակնկալում եմ, որ ՀՀԿ-ն և գործող խորհրդարանն ավելի չգրգռի մարդկանց: Այսօրվա իրավիճակը ցույց է տալիս, որ թեկնածուի առաջադրումը մարդկանց շրջանում մեղմ ասած վատ արձագանք կառաջացնի: Լավ կլինի փաստաթուղթ ստորագրենք, որայսին օրը հրաժարական կտամ, որից հետո խմբակցությունները վարչապետի թեկնածու չեն առաջադրի, ինչի արդյունքում դեկտեմբերին կունենանք ԱԺ արտահերթ ընտրություններ: Խորհրդարանական ուժերի ներկայացուցիչները կարծես թե, կարող է ինչ-որ բաներ ճիշտ չեմ հասկացել, իրենք ասացին, որըստ էության ընկալում են ժողովրդի ուղերձը և հարգանքով են վերաբերվում ժողովրդի ուղերձին, դիրքորոշմանը և նրանք բանավոր ասացին, որ անկախ հուշագրից չեն պատրաստվում ոչ առաջին, ոչ էլ երկրորդ անգամ առաջադրել վարչապետի թեկնածու: Եթե սխալ եմ հասկացել, թող ասեն, որ վարչապետի թեկնածու առաջադրելու են: Նրանք հարց դրեցին, թե որն է արտահերթ ընտրությունների հիմնավորումը: Ես ասացի, որ երկրում հաստատված է քաղաքական ճգնաժամ և այդ ճգնաժամը պետք է օր առաջ հանգուցալուծվի: Երկրում հաստատվել է Ազգային ժողով, որը չի ներկայացնում Հայաստանի ժողովրդին ու քաղաքացիներին: Հետևաբար, այս ճգնաժամը հանգուցալուծելու միայն մեկ տարբերակ կա, և այդ տարբերակն Ազգային ժողովի արտահերթ ընտրությունների անցկացումն է»: