Ո՞ւր ենք գնում` դեպի դիկտատուրա՞, թե՞ դեպի Նիկոլ Փաշինյանի պաշտամունք. Շարմազանով

ԱԺ փոխխոսնակ Էդուարդ Շարմազանովի համոզմամբ՝ ԱԺ-ն մնացել է միակ քաղաքական մարմինը, որը կարող է քիչ թե շատ հավասարակշռել Փաշինյանի միանձնյա իշխանությունը մեր երկրում:  «Ո՞ւր ենք գնում մենք` դեպի դիկտատուրա՞, թե՞ դեպի Նիկոլ Փաշինյանի պաշտամունք: Ես դեմ եմ դրան: ՀՀԿ-ն դեռևս ամիսներ առաջ ասել է, որ պատրաստ է քննարկել և ընտրական օրենսգիրքը, և արտահերթ ընտրությունների հնարավորության հարցը: Բայց քննարկել չի նշանակում, երբ Փաշինյանը ձեռքով նշան անի, ԱԺ-ն լուծարենք ու իր քիմքին համապատասխան ԱԺ ընտրենք»,- ասաց ԱԺ փոխխոսնակը: Շարմազանովի խոսքով` այս Ազգային ժողովն ուզի Փաշինյանը, թե չուզի, ուզի հասարակության մի մասը, թե չուզի, ուզեն հանրապետականները թե չուզեն ընտրվել է օրինական ընտրությունների արդյունքներով: