ԵՊՀ տնտեսագիտական ֆակուլտետի դեկանի դեմ նամակի տակ ստորագրողներից մի քանիսը ծանոթ չեն էլ եղել բովանդակությանը (video)

Օրերս ԵՊՀ Տնտեսագիտության և կառավարման ֆակուլտետի տնտեսագիտության դոկտոր, պրոֆեսոր Թաթուլ Մանասերյանը tert.am-ի հետ զրույցում նշել էր, որ ֆակուլտետում ստեղծված իրավիճակը կարգավորելու համար դասախոսները նամակով դիմել են Կրթության և գիտության նախարարություն: Թաթուլ Մանասերյանի խոսքով, հաշվի առնելով ֆակուլտետում առկա կոռուպցիոն փաստերը, դասախոսները նախարարությունից հայցում են աջակցություն՝ ԵՊՀ ՏԿ ֆակուլտետում վերականգնելու օրինականությունը և ուսումնական գործընթացի նորմալ ընթացքը դեկանին ապօրինի զբաղեցրած պաշտոնից ազատելու և նոր ընտրություններ կազմակերպելու միջոցով: Այս առիթով՝ ԵՊՀ Տնտեսագիտական ֆակուլտետում ԵՊՀ տնտեսագիտության և կառավարման ֆակուլտետում գումարվեց կոլեկտիվի ժողով ֆակուլտետի շուրջ ստեղծված իրավիճակը քննարկելու նպատակով: Հատուկ հրավիրվել էին հիշյալ դիմումի չորս ստորագրողները, բայց ներկայացավ միայն Մ. Միքայելյանը: Կոլեկտիվ ժողովում հանդես եկան մի շարք դասախոսներ, ստեղծված իրավիճակը պարզաբանելու և լուծման տարբերակներ առաջարկելու համար: Դասախոսներից մեկն էլ նշեց, որ 20 դասախոսներից մի քանիսն անգամ ծանոթ չեն եղել նամակի բովանդակությանը և վստահելով Թաթուլ Մանասերյանին՝ ստորագրել են: Մանրամասները՝ տեսանյութում.